काठमाडौं । एसीसी इमर्जिङ टिम्स एसिया कपको अन्तिम खेलमा नेपालले यूएई ए लाई ३ विकेटले पराजित गरेको छ ।

युएईबाट १५८ रनको सामान्य लक्ष्य पाएको नेपालले २३ ओभरमा ७ विकेटको क्षतिमा लक्ष्य भेट्टायो ।

नेपालका लागि कुशल भुर्तेलले अर्धशतकीय पारी खेले । उनले ४३ बलमा ७१ रन बनाए । त्यस्तै देव खनालले ३८ बलमा २४ रन बनाए ।

नेपालका पार्टटाइम बलर कुशल भुर्तेलको घातक बलिङ सामना गर्न नसकेको यूएई ४४ ओभरमा १५७ रनमा समेटिएको हो ।

यूएईका लागि लभप्रित सिंहले सर्वाधिक ५२ रन बनाए । अन्य ब्याट्स्मेनले २० रन कटाउन सकेनन् ।

नेपालका लागि कुशल भुर्तेलले सर्वाधिक ६ विकेट लिए । त्यस्तै श्याम ढकालले २, कुशल मल्ल र पवन सर्राफले समान एकरएक विकेट लिए ।

समूह ‘बी’ मा रहेका नेपाल र यूएई दुवै प्रतियोगिताको समूह चरणबाटै बाहिरिसकेका छन् ।