काठमाडौँ । फ्रेन्च क्लब पिएसजी र स्टार फुटबलर किलीयन एम्बाप्पेबीचको विवाद बढेको छ ।

पिएसजीले एम्बाप्पेसँग सम्झौता नवीकरणको विवाद जारी रहेका बेला उनलाई क्लबको जापान प्रि-सिजन टूरबाट बाहिर राखेको छ ।

मिडिया रिपोर्टका अनुसार पिएसजीले एम्बाप्पेलाई एक बर्षका लागि सम्झौता नवीकरण गर्न दबाब बनाइरहेको छ । साथै क्लबको एम्बाप्पेले अर्को बर्ष रियल म्याड्रिड फ्री-ट्रान्सफरमा जनाए गरि सम्झौता गरिसकेको अनुमान गरेको बुझाइ छ ।

सोहि कारणले पिएसजीले एम्बाप्पेलाई क्लबमा खेल्न नदिने र उनी अहिले नै विक्रिमा रहेको सन्देस दिन जापान टूरबाट बाहिर राखेको मिडिया रिपोर्टमा बताइएको छ ।

पिएसजीले एम्बाप्पेलाई कुनै पनि अवस्थामा फ्री ट्रान्सफरमा पठाउन नचाहेकोले उनलाई यसै ट्रान्सफर विन्डोमा बेच्न चाहेको छ । रिपोर्टका अनुसार एम्बाप्पेले क्लबमा सम्झौता नवीकरण नगरेसम्म यस सिजन पुरै बेन्चमै राख्न समेत तयार रहेको छ ।

त्यस्तै अर्कोतर्फ क्लबले एम्बाप्पेका लागि कम्तिमा १९४ मिलियनको मुल्य राखेको छ । अहिलेको अवस्थामा एम्बाप्पेका लागि यो मुल्य तिर्न सक्ने क्लब रियल म्याड्रिड मात्र भएको देखिएको छ । तर रियल म्याड्रिडले अर्को बर्ष फ्री ट्रान्सफरमा भित्र्याउन अहिले पिएसजीसँग एम्बाप्पेका विषयमा कुनै कुराकानी गरिरहेको छैन ।

एम्बाप्पेका लागि अन्य क्लबको अफर रहेपनि त्यो स्पष्ट नरहेको बताइएको छ । प्रिमियर लिग क्लब लिभरपुलप्रति एम्बाप्पेको पनि झुकाव रहेको बताइएको छ ।

तर एम्बाप्पे प्रकरणमा पिएसजी र खेलाडी दुवैले एक अर्काविरुद्ध दबाब बनाइरहेकोले यो विषय रोचक हुने देखिएको छ ।