काठमाडाैं । आज साउन १० गते बुधबार । अधिक साउन शुक्ल अष्टमी । जुलाइ २६ तारिख २०२३ ।  

थाहा पाउनुहाेस् तपाइकाे राशिफल :

मेष- आजको दिन पारिवारिक समस्या समाधान हुनाले घरको वातावरण शान्त रहनेछ। आज कुनै यात्राको कार्यक्रम थियो भने स्थगित गर्दा राहत मिल्नेछ ।
आफ्नो कुनै पनि गोप्य कुरा अपरिचित व्यक्तिहरु माझ नभन्नुहोस्, अन्यथा तपाई समस्यामा पर्न सक्नुहुन्छ।

वृष- समयले कुनै शुभ घटनाको संकेत गरिरहेको छ। केही फसेको पैसा फिर्ता हुन सक्छ। परिवारका सदस्यहरुको सहयोगमा तपाईको व्यक्तिगत कार्यहरु पनि सुचारु रुपमा अघि बढ्नेछ । युवाहरूले आफ्नो व्यक्तित्व निखार्नको लागि दैनिक दिनचर्या व्यवस्थित गर्नेछन् ।

मिथुन- आज तपाईले आफैले लिनु भएको निर्णय उत्कृष्ट साबित हुनेछ। प्रभावशाली व्यक्तिहरूसँग सम्पर्क हुनेछ र प्रगतिको अवसर पनि मिल्नेछ।

कर्कट- ग्रहको स्थिति अनुकूल छ। तपाईको काम सुचारु रुपमा सम्पन्न हुनेछ । घरपरिवारमा कुनै समस्या छ भने आपसी मेलमिलापबाट समाधान हुनेछ । छिमेकमा कुनै कुरामा वादविवाद हुने सम्भावना छ, अनावश्यक विवादमा नपर्नु होला ।

सिंह- सन्तान पक्षबाट केही शुभ समाचार सुन्न पाइनेछ । व्यस्तताका बाबजुद पनि आफन्त र साथीभाइसँग भेटघाट गर्न समय निक्लनेछ । लामो समयदेखि रोकिएको भुक्तानी आज प्राप्त हुनेछ। आफ्ना व्यक्तिगत कुराहरू कसैलाई नसुनाउनु उचित हुनेछ।

कन्या- विज्ञ व्यक्तिको मार्गदर्शनले निर्णय लिन सहयोग मिल्नेछ। सन्तानको सकारात्मक गतिविधि देखेर मन प्रफुल्लित हुनेछ। प्रयासमा असफलताले युवा तथा विद्यार्थी चिन्तित हुनेछन् । यस्तो बेला मनोबल बढाउनु जरुरी छ ।

तुला- कुनै पनि इच्छित कार्य सम्पन्न हुनाले राहत मिल्नेछ र गुमेको आत्मविश्वास पनि पुनः जागृत हुनेछ । जानकारीमूलक र रोचक साहित्य पढ्नमा पनि समय बित्नेछ। कुनै पनि ठूलो लगानी गर्नु अघि राम्रोसँग अनुसन्धान गर्नुहोस्।

वृश्चिक- ग्रहको स्थिति अनुकूल छ। सकारात्मक रहनुहोस् र आफ्नो काममा केन्द्रित रहनुहोस्। यात्राको अवसर मिल्नेछ। परोपकार, पुण्य आदि कार्यमा पनि रुचि बढ्नेछ। प्रतिकूल परिस्थितिलाई शान्तिपूर्वक समाधान गर्नुहोस्, अनावश्यक क्रोधले समस्या बढाउन सक्छ।

धनु- आजको दिन व्यस्त रहनेछ । तर मेहनतको वांछित परिणाम प्राप्त हुनाले थकान हावी हुनेछैन। पारिवारिक सम्बन्धमा लामो समयदेखि रहेको चिन्ता र तनावबाट मुक्ति मिल्नेछ। घरमा कुनै शुभ कार्यको आयोजना गर्ने योजना पनि बन्नेछ ।

मकर- ग्रहको स्थितिले तपाईको भाग्य बलियो बनाउँदैछ। काममा सोचेभन्दा बढी सफलता मिल्नेछ । कतै लगानी गर्ने योजना छ भने तुरुन्तै गर्नुहोस्, फाइदा हुनेछ। घरपरिवारको कुनै सदस्यको विवाह सम्बन्धमा प्रस्ताव आउन सक्छ।

कुम्भ- आज दिनचर्यामा केही नयाँ ल्याउने प्रयास हुनेछ र सफलता पनि मिल्नेछ । तपाईं भित्र नयाँ ऊर्जाको प्रभाव महसुस हुनेछ। घरका वरिष्ठ व्यक्तिको मार्गदर्शन रहनेछ। महत्त्वपूर्ण कदम चाल्नु अघि, त्यससँग सम्बन्धित सबै पक्षहरू विचार गर्नुपर्ने छ।

मीन- आज कुनै शुभ समाचार प्राप्त हुनाले घरमा खुशीको वातावरण रहनेछ। धर्म तथा समाजसेवामा व्यस्तता बढ्नेछ र मनमा शान्ति पनि मिल्नेछ । विद्यार्थी आफ्नो अध्ययन र करियरमा गम्भीर हुनेछन्।