काठमाडौं । साता कारोबारको चौथो दिन बुधबार सुनचाँदीको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ सय र चाँदी ३५ रुपैयाँले घटेको हो ।

महासंघका अनुसार आज छापावाला सुनको मूल्य तोलामा १ सय रुपैयाँले घटेर १ लाख १२ हजार र तेजावी सुनको मूल्य १ लाख ११ हजार ४५० रुपैयाँमा कारोबार भइरहेको छ ।

मंगलबार छापावाला सुनको मूल्य तोलामा ३ सय रुपैयाँले घटेर १ लाख १२ हजार १ सय र तेजावी सुनको मूल्य १ लाख ११ हजार ५५० रुपैयाँमा कारोबार भइरहेको थियो ।

त्यस्तै, आज चाँदी प्रतितोला ३५ रुपैयाँले घटेर १ हजार ३९० रुपैयाँमा कारोबार भैरहेको छ ।