काठमाडौं । प्रतिनिधिसभाको बैठक साउन २६ गते शुक्रवारसम्मका लागि स्थगित भएको छ । आज बोलाइएको संसदको बैठकमा पनि प्रमुख प्रतिपक्षी दल नेकपा एमालेका सांसदहरुले सुन कान्ड छानविनका लागि उच्चस्तरीय समिति माग गदै संसद अवरोध गरेका थिए ।

एमालेले संसदमा नारावाजीसहित अवरोध गरेपछि सभामुखले दुई दिन बैठक स्थगित गरेका हुन् ।

एमालेले सुन तस्करीसँग सम्वन्धित विषयमा उच्चस्तरीय छानविन समिति गठन गर्नुपर्ने मागमा छ । तर सरकार यो प्रकरण उच्चस्तरीय समितिमार्फत भन्दा सीआइबीबाट अनुसन्धान गर्नुपर्ने पक्षमा छ ।

मंगलबार यस प्रकरणबारे गृहमन्त्री नारायणकाजी श्रेष्ठले संसदमा धारणा राखेका थिए । तर पनि एमाले आफ्नै अडानमा कायमै छ । एमालेले आज पनि समिति गठन गर्न, तस्करलाई कारवाही गर्न लगायतका माग गदै संसदमा बेलमा आएर नारावाजी गदै संसदको प्रक्रिया अगाडी बढाउन अवरोध गरेका थिए ।