सिरहा । सिरहामा चर्को मिटरब्याजको धन्दा चलाउने मिटरब्याजी एक महिला पक्राउ परेकी छन् । मिर्चैया नगरपालिका(६ की ३५ वर्षीया सुजाता साह पक्राउ परेकी हुन् । उनलाई बुधबार साँझ पक्राउ गरिएको सिरहा प्रहरीले जनाएको छ ।

ममतादेवी रायले प्रहरीमा दर्ता गराएको अनुचित लेनदेन सम्बन्धी मुद्दामा अदालतबाट पक्राउ अनुमति लिएर साहलाई पक्राउ गरिएको सिरहाका प्रहरी उपरीक्षक टेकुनन्द इवा लिम्बुले जनाए । उनीमाथि थप अनुसन्धान भइरहेको छ ।

साहमाथि प्रहरी र जिल्ला प्रशासनमा गरी दर्जनौँ उजुरी परेको छ । मिर्चैया क्षेत्रमा उनी लामो समयदेखि चर्को मिटरब्याज धन्दा चलाउँदै आएकी थिइन् ।

ममतादेवीसँग सुजाताले २ लाखको ३५ लाख बराबरको रकम र जग्गा हडपेर पनि नपुगेर उल्टै छोरी गरिमा लाई बलात्कार गराइदिन्छु भन्दै धम्की दिँदै हिडेकी थिइन् ।
उनको धम्कि पछि ममतादेवीकी छोरी गरिमाले विद्यालय छाड्न बाध्य भएकी थिइन् । र, १२ दिन लामो पैदल मार्चमा सहभागी भएकी थिइन् ।

गृहमन्त्रालयले यो घटनालाई सिधै चासो लिएर प्रहरीलाई दोषीमाथी कारवाही गर्न निर्देशन गरेपछि सुजाता समातिएकी हुन् ।