धनगढी । डोटीको शिखर नगरपालिकाका प्रमुख (मेयर) दीर्घ बहादुर बलायरले आफ्नै स्वकीय सचिव (पीए)माथि कुटपिट गरेका छन्। स्वकीय सचिव राजेश ठगुन्नाले आफूमाथि मेयरले खुकुरी प्रहार गरेको बताएका हुन् ।

ठगुन्नाले सामाजिक सञ्जालमार्फत तस्बीर सेयर गर्दै आफ्नो टाउकोमा चोट लागेको र उपचारका लागि अस्पतालमा भर्ना भएको बताएका छन् ।

एम्बुलेन्स मर्मतको विषयलाई लिएर मेयर र ठगुन्नाबीच विवाद भएको स्रोतले जनाएको छ । तर घटनाबारे विस्तृत विवरण भने आइसकेको छैन ।