काठमाडौँ । फ्रेन्च लिग अन्तर्गत पिएसजीले लेन्सलाई पराजित गरेको छ ।

गएराती सम्पन्न खेलमा पिएसजीले लेन्समाथि ३-१ गोल अन्तरको जित हासिल गरेको हो ।

पिएसजीको जितमा किलीयन एम्बाप्पेले २ गोल गरे भने एक गोल मार्को असेन्सियोले गरेका थिए । त्यसैगरी लेन्सका लागि एक गोल मोर्गन गुइलाभोगुइले गरेका थिए ।

यसअघि दुवै खेलमा बराबरीमा रोकिएको पिएसजीको यस सिजनमा यो पहिलो जित हो । यो खेलपछि पिएसजीको ३ खेलमा ५ अंक भएको छ र लिगमा चौथो स्थानमा रहेको छ ।

त्यसैगरी लेन्सको भने यो दोस्रो हार हो । ३ खेलमा लेन्सको एक अंक रहेको छ ।