काठमाडौं । इन्जिनियरिङ अध्ययन संस्थानले बृद्धि गरेको शुल्क फिर्ता लिने सहमति भएको छ । आन्दोलनरत विद्यार्थी संगठनहरु र त्रिभुवन विश्वविद्यालयका पदाधिकारीहरबीच बुधबार पाँच बुँदे सहमति भएको हो ।

इन्जिनियरिङ अध्ययन संस्थानलाई बृद्धि गरिएको शुल्क फिर्ता लिन निर्देशन दिने सहमति भएको हो ।

सात दिनभित्र प्रतिवेदन दिने गरी विद्यार्थी प्रतिनिधिसहित समिति गठन बनाउने र त्यसका आधारमा शुल्क लागू गर्ने पनि सहमति भएको बताइएको छ । ।

हाल स्थगित भएको प्रवेश परीक्षा लगायतका कार्यक्रम सुचारु गर्ने र आमरण अनसन लगायतका सबै आन्दोलनका कार्यक्रम फिर्ता लिने पनि सहमति पत्रमा उल्लेख छ ।

सहमति पत्रमा त्रिविका उपकुलपति प्राडा धर्मकान्त बास्कोटा, शिक्षाध्यक्ष प्राडाशिवलाल भुसालसहितका पदाधिकारी र विद्यार्थी संगठनका तर्फबाट नेविसंघ अध्यक्ष दुजाङ शेपा, अखिल क्रान्तिकारीकी अध्यक्ष पञ्चा सिंहसहितले हस्ताक्षर गरेका छन् ।