काठमाडौं । आईसीसी महिला टी २० विश्वकप एसिया क्षेत्रको छनोट अन्तरगत नेपालले जितका लागि ७५ रनको लक्ष्य पाएको छ ।

टस हारेर पहिला ब्याटिङको निम्तो पाएको कतारले निर्धारित २० ओभरमा ७ विकेट गुमाउँदै ७४ रन मात्रै बनाएको हो ।

कतारका लागि साची धडवालले सर्वाधिक २१ रन बनाइन् । एलिना खान १५ रनमा आउट भइन् । एन्जिलेने मारे १४ रनमा नट आउट रहिन् ।

नेपालकी इन्दू बर्माले उत्कृष्ट बलिङ गरिन् । इन्दुले ४ ओभरमा १० रन खर्चेर ३ विकेट लिइन् । नेपालका लागिपूजा महतो र कविता जोशीले थप एक एक विकेट लिए ।