काठमाडौं । भारतीय टिमका स्टार फास्ट बलर जसप्रित बुमराह बुवा बनेका छन् । उनकी श्रीमती सञ्जना गणेशनले छोरालाई जन्म दिएकी छन् । सञ्जना र बुमराह पहिलो पटक अभिभावक बनेका हुन् ।

बुमराहले इन्स्टाग्राममा तस्बिर सेयर गर्दै बुवा बनेको जानकारी दिएका छन् ।

बुमराह एसिया कपअन्तर्गत साेमबार नेपालसँग हुने खेल छाडेर आइतबार घर फर्किएका थिए । उनी अब एसिया कपको सुपर फोर खेलका लागि श्रीलंका फर्कनेछन् ।

बुमराह टोलीमा नहुँदा मोहम्मद शामीले उनको स्थान लिनेछन् ।भारतले पाकिस्तानविरुद्ध मोहम्मद शिराज, शार्दुल ठाकुर र बुमराहलाई खेलाएको थियो । भारतले पहिलो खेल वर्षाको कारण पाकिस्तानसँग अंक बाँडेको थियो । त्यसैले भारतलाई नेपालसँगको खेल जित्नै पर्ने दबाब छ ।