काठमाडौं । एसिया कपको समूह चरणको नेपाल र भारतबीच हुने खेलमा दुवै टिमले एक/एक खेलाडी परिवर्तन गरेका छन् ।

भारतविरुद्धको खेलमा नेपालले मध्यक्रमका ब्याट्सम्यान आरिफ शेखलाई बेञ्चमा राखेको छ । उनको ठाउँमा भीम सार्कीलाई खेलाउने कप्तान रोहित पौडेलले बताए ।

भारतले पनि फास्ट बलर जसप्रित बुमराहको स्थानमा मोहम्मद सामीलाई खेलाउने निर्णय लिएको छ । बुमराह पारिवारिक कारणले घर फर्केपछि उनको स्थानमा सामीलाई खेलाइएको हो ।

दुवै टीमले अन्य १० जना पहिलो म्याचमा खेलाएकै खेलाडीहरूलाई समावेश गरेका छन् ।