काठमाडौँ । एसिया कप क्रिकेट प्रतियोगिताअन्तर्गत भारतविरुद्ध नेपाल पहिलो पटक भिडिरहेको छ । वर्षाले खेल अवरुद्ध हुने बेलासम्म नेपालले ३७ ओभर ५ बलमा ६ विकेट गुमाएर १७८ रन बनाएको छ ।

नेपालले पहिलो पटक एसिया कप क्रिकेट प्रतियोगितामा सहभागिता जनाएको हो । ३१ दशमलव ५ ओभरमा एक सय ४४ रन बनाउँदा नेपालले छैटौँ विकेट गुमाएको हो ।

श्रीलंकाको पालेकेले इन्टरनेसल क्रिकेट रंगशालामा अहिले भइरहेको खेलमा नेपालले छैटौँ विकेटका रुपमा गुल्सन झालाई गुमाएको हो । गुल्सनले ३५ बलमा तीन चौकाको मद्दतमा २३ रन जोड्दै भारतका मोहम्मद सिराजको बलमा आउट भएका हुन् ।

नेपालले यसअघि कुशल भुर्तेल, भीम सार्की, कप्तान रोहित पौडेल र कुशल मल्ललाई गुमाएको थियो । कुशलले ३८ रन बनाए भने भीमले सात, रोहितले ५ तथा कुशलले दुई रन जोडेका थिए । त्यस्तै आशिफ शेखले सर्वाधिक ५८ रन जोड्दै आउट भएका थिए ।

तस्बिरहरू : एएफपी/रासस