दार्चुला । दार्चुलामा मिनी ट्रक दुर्घटना हुँदा एक जनाको मृत्यु भएकोे छ ।

कैलालीको धनगढीबाट खाद्यान्न बोकेर दार्चुलाको दुहु गाउँपालिका–२ तर्फ गइरहेको से १ ख १२५२ नम्बरको ट्रक आज (बिहीबार) बिहान सडकबाट करिब दुई सय ५० मिटर तल राताकाठा भिरमा खसेको हो।

दुर्घटनामा परी दुहु गाउँपालिका–३ ब्रहमदेबका करिब ४५ वर्षीय करनसिंह बोहराको घटनास्थलमै मृत्यु भएको प्रहरीले जनाएको छ। सवारी चालक भने अहिले फरार छन्। उनको खोजी भइरहेको छ।

घटनास्थलमा इलाका प्रहरी कार्यालय हिकिलाबाट प्रहरी सहायक निरीक्षक सन्तबहादुर पालको कमान्डमा ७ जना प्रहरी खटिएका छन् । दुर्घटनाबारे थप विवरण संकलन गर्ने काम भइरहेको प्रहरीले जनाएको छ।