काठमाडौं । नेकपा एमालेले कोशी प्रदेशका मुख्यमन्त्री केदार कार्कीलाई विश्वासको मत दिने निर्णय लिएको छ।

बुधबार बिहान बसेको एमालेको कोशी संसदीय दलको बैठकले सो निर्णय लिएको प्रमुख सचेतक रेवती भण्डारीले जानकारी दिए।

११ बजे सुरु हुने भनेको प्रदेशसभा बैठक दलहरूका आन्तरिक बैठक र छलफलका कारण ढिलामात्र सुरु हुने बताइएको छ ।

एमालेका ३९ र कांग्रेसका ८ सांसदको सहयोगमा कार्की शनिबार मुख्यमन्त्री नियुक्त भएका थिए। आज बुधवार बस्ने प्रदेशसभा बैठकमा मुख्यमन्त्री कार्कीले सभाबाट विश्वासको मत लिने तयारी गरेका छन् ।

उनलाई माओवादी केन्द्र, एकीकृत समाजवादी जस्ता दलहरूले पनि विश्वासको मत दिने बताइसकेका छन्। यस्तै राप्रपा र जसपाले नदिने जनाएका छन् ।