हङकङ । हङकङको साइकुङमा तीव्र गतिको ट्याक्सीले नियन्त्रण गुमाउदा दुर्घटना भएको छ ।

क्लियर वाटर बे रोड हुँदै साइकुङतर्फ तीव्र गतिमा कुदेको ट्याक्सी दायाँ मोड्न खोज्दा नियन्त्रण गुमाई उक्त दुर्घटना भएको हो।

तीव्र गतिको ट्याक्सी ढुंगामा ठोकिएर पनि नरोकिइ आगोको लप्का छोड्दै अगाडि बढे पछि झाडीमा खसेको थियो।

झाडीममा पुग्दा सम्म जलिरहेको ट्याक्सीले तीन बल्ड्याङ खाइसकेको थियो। तर दुर्घटनामा मानवीय क्षति भने भएको छैन।

ट्याक्सी पल्टिने क्रममा चालक बाहिर खसेका थिए। उनको हात भाँचिएको छ। ट्याक्सीमा रहेका एक पुरुष यात्री थिए । उनलाई सामान्य चोट लागेको छ ।

दुवै जनालाई उपचारका लागी प्यारामेडिकको टोलीले चुङक्वान ओ अस्पताल लगिएको भए पनि पछि क्विन एलिजाबेथ अस्पताल सारियो।

प्रहरीले घटनाको अनुसन्धान भइरहेको जनाएको छ।