काठमाडौं । अमेरिकी गायिका तथा अभिनेत्री सेलेना गोमेज सामाजिक सञ्जालमा अत्याधिक फलो हुने सेलिब्रेटी हुन्। उनको इन्स्टाग्राममा करिब ४३ करोड फलोअर्स छन् ।

यसैबीच उनले सामाजिक सञ्जालबाट ब्रेक लिएकी छिन् । सेलेनाले एक पोस्ट सेयर गर्दै यो जानकारी दिएका हुन् । उनले इजरायल–प्यालेस्टाइन हिंसाका कारण सामाजिक सञ्जालबाट ब्रेक लिएको बताएकी छन् ।

‘विश्वमा घृणा र हिंसा भइरहेको देख्दा मेरो मन दुख्छ । जसरी मानिसहरूलाई यातना दिइन्छ र मारिन्छ, यो सबै निकै डरलाग्दो छ। हामी सबैलाई बचाउन एकजुट हुनै पर्छ- विशेषगरी बच्चाहरूलाई। म निर्दोष मानिसहरूलाई यसरी चोट लागेको देख्न सक्दिन। यस्ता कुराले मलाई भित्रैबाट कमजोर बनाइदिन्छ । कास म याे संसार बदल्न सक्थेँ।’ उनले लेखेकी छिन् ।