काठमाडौं । नेकपा एमालेले फागुन १ को बिदाका विषयमा संसदमै प्रश्न उठाउादै दिने नै भए संसदबाट पातिर गरेर देखाउन चुनौति दिएपछि माओवादीले पनि एमालेलाई जवाफ दिएको छ ।

एमाले उपाध्यक्ष विष्णु पौडेलले प्रतिनिधिसभाको आजको बैठकमा फागुन १ को बिदा खारेज गर्नुपर्ने बताएका थिए । त्यसपछि बोलेका माओवादी केन्द्रका उपमहासचिव वर्षमान पुनले एमाले उपाध्यक्ष विष्णु पौडेललाई आफू क्याबिनेटमा हुँदा सरकार गरेको निर्णय हेर्न आग्रह गरेका छन् ।

पुनले भने, ‘जनयुद्ध दिवस मनाउने निर्णय माघ १९ गते भएको रहेछ। पूर्व वक्ता माननीयज्यू उपप्रधानमन्त्री हुनुहुँदो रहेछ त्यही क्याबिनेटले गरेको निर्णय हो। त्यसैले मैले संस्कारको कुरा गरे। हाम्रो संस्कार कहाँबाट आउने हो ? हामी आफैँले गर्ने फेरि अर्को ठाउँमा जाँदा त्यही कसरी गलत भयो ? त्यसैले संस्कार सुधार गरेर आफैतिर फर्केर हेरौँ।’