काठमाडौं । नेपाल धितोपत्र बोर्डले समयमै वित्तीय विवरण नबुझाएका सूचीकृत ८८ कम्पनीलाई कारबाही गरेको छ ।

बोर्डले समयमै वित्तीय विवरण नबुझाउने र ढिलो बुझाउने कम्पनीलाई कारबाही स्वरुप जरिवाना तिराएको हो ।

कारबाही गरिएका ८८ कम्पनीमध्ये ६९ कम्पनीले ढिला वित्तीय विवरण बुझाएका थिए ।

बोर्डले ढिलो विवरण बुझाउने ६९ कम्पनीलाई प्रतिकम्पनी ५० हजार रुपैयाँका दरले जरिवाना तिराएको छ

त्यस्तै वित्तीय विवरण नबुझाएका १९ कम्पनीलाई भने प्रतिकम्पनी १ लाख रुपैयाँका दरले जरिवाना तिराइएको जनाएको छ ।