काठमाडौं । प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले पार्टी पदाधिकारीको बैठक बोलाएका छन् ।

राष्ट्रियसभा सदस्यको उम्मेदवार टुंगो लगाउन आज बालुवाटारमा बैठक बोलाएका हुन् ।

आइतबार बिहान सत्ता गठबन्धनबीच उम्मेदवारी बाँडफाँट टुंगिएको थियो। माघ ११ गते हुने राष्ट्रिय सभा निर्वाचनको १९ स्थानमध्ये माओवादी केन्द्रले ६ सिट पाउने सहमति भएको छ।

६ जना उम्मेदवारको टुंगो लगाउन अध्यक्ष प्रचण्डले पदाधिकारी बैठक बोलाएका हुन्।