काठमाडौं । नेकपा माओवादी केन्द्रको स्थायी समिति बैठक स्थगित भएको छ। पार्टी मुख्यालय पेरिसडाँडामा आइतबार दिउँसो ३ बजे बस्ने भनिएको बैठक मंगलबारका लागि सारिएको हो ।

गृहकार्य नपुगेको भन्दै आजको बैठक स्थगित गरिएको जनाइएको छ ।

स्थायी समिति बस्नुअघि प्रचण्डले पदाधिकारीहरूसँग छलफल गरेका थिए। पदाधिकारीसँग संवादपछि स्थायी समिति बैठक बस्ने भनिएको थियो। तर तेस्रो पटक पनि बैठक स्थगित भएको हो।

यसअघि पनि आज बिहान ११ बजे बस्ने भनिएकोमा पुष्पकमल दाहाल प्रचण्ड व्यस्त भएपछि दिउँसो ३ बजेका लागि सारिएको थियो।