काठमाडौं । नेपाल पत्रकार महासंघ जापान शाखाको १३ औं स्थापना दिवस विविध कार्यक्रम गरि मनाएको छ । महासंघको स्थापना दिवस फोटो तथा भिडियो पत्रकारिता तालिम, बार्बिक्यु सहित केक काटेर मनाइएको हो ।

जापानको चिवा स्थित हातेमालो हाउसमा जापानमा क्रियाशिल ३३ जना पत्रकारको सहभागितामा फोटो तथा भिडियो पत्रकारिता तालिम सम्पन्न भएको हो ।

पत्रकारहरुको क्षमता अभिवृध्दि गर्ने उदेश्यले आयोजित तालिमको सहजिकरण प्रध्यापक डाक्टर तोसिआकि ईतो, राजकुमार बस्नेत र रिक्कि गौचनले गरेका थिए।

तालिमको समापनका अवसरमा बोल्दै जापानका लागि नेपालि राजदुत डाक्टर दुर्गा बहादुर सुवेदिले जापानमा क्रियाशिल पत्रकारले समाजको हितका लागि महत्वपुर्ण भुमिका निर्वाह गरेको बताए । उनले समाजलाई नकरात्मक असर नपर्ने गरि समाचार संप्रेक्षण गर्दा ध्यान दिन आग्रह गरे ।

स्थापना दिवसको अवसरमा पत्रकारको क्षमता अभिवृद्दिका लागि तालिमका साथै आत्मियता र भाईचाराका लागि बार्बिक्यु आयोजना गरिएको पत्रकार महासंघका अध्यक्ष शन्त पहरिले बताए ।