आजमिति २०८० साल ,चैत्र ७ गते तदअनुसार मार्च २०, २०२४ बुधवार, शुक्लपक्षको एकादशी तिथि, पुष्य नक्षत्र, अतिगण्ड योग । कर्कट राशिमा चन्द्रमा । यो अति अशुभ योग हो । 

• अभिजित् मुहूर्त: बिहान ११:४८ देखि १२:३६ सम्म,
• काठमाण्डौंमा सुर्योदय: बिहान ०६:०९
• सुर्यास्त: बेलुका ०६:१५ बजे 

मेष : मित्रहरूले वचन पूरा नगर्दा हैरानी बेहोर्नु पर्ला। आफ्नो अधिकार प्राप्तिका लागि संघर्ष गर्नु पर्नेछ। सवारी साधनसँग सम्बन्धित काम गर्दा ख्याल गर्नुहोला। साँझमा परिवारजनको साथले नयाँ आशा पलाउनेछ।

• शुभ रंग: हरियो
• शुभ अंक – ४

वृष : रमाइलो यात्रा गर्ने अवसर प्राप्त हुनेछ। कला र गलाको प्रभाव बढ्नेछ। घरायसी कार्य अगाडि बढ्नेछ। मनोरञ्जनमा सहभागी भइएला। कतै भ्रमणको योजना बन्नेछ। सेयर बजारको लगानी त्यति भरपर्दो रहन्न।

• शुभ रंग: सुन्तला
• शुभ अंक – १

मिथुन : महिला वा मित्रबाट विशेष सहयोग पाइनेछ। प्रेम र मित्रताको बन्धन कसिने बेला छ। अधुरा कार्य पूरा गर्न सहयोग मिल्नेछ। दैनिक काम अगाडि बढ्नेछन्। आयआर्जन बढ्नुका साथै दिगो फाइदा हुने काम प्रारम्भ गर्न सकिनेछ।

• शुभ रंग: वैजनी
• शुभ अंक – ५

कर्कट : मनपर्ने व्यक्तिको भरपुर साथ र सहयोग मिल्नेछ। लामो समयदेखि रोकिएका काम पूरा हुनेछन्। पारिवारिक सद्‌भाव बढ्नेछ। कलकारखाना र बन्दव्यापारमा फाइदा हुनेछ। गरेको कार्यमा सफलता मिल्नेछ।

• शुभ रंग: निलो
• शुभ अंक – ८

सिंह : ताकेअनुरूप काम नबन्नाले दिक्क लाग्नेछ। मनमा दुबिधा उत्पन्न होला। सानातिना समस्यामा अल्झनुपर्नेछ। अनावश्यक धन खर्च भई मानसिक चिन्ता बढ्न सक्छ, सचेत रहनु होला। साँझमा आफन्तसँग भेटघाट हुनेछ।

• शुभ रंग: सेतो
• शुभ अंक – ९

कन्या : ठीक समयमा सही निर्णय लिन सकिनेछ र आम्दानी बढ्नेछ। लक्ष्मी प्रसन्न हुने योग छ। इच्छा र आकाङ्क्षा पूर्ण हुनेछन्। व्यवसायका लागि यात्रा सम्भावना छ। दाम्पत्य जीवन सुखद तथा समृद्ध बन्ने देखिन्छ।

• शुभ रंग: पहेलो
• शुभ अंक – ७

तुला : रमणीय र सुखद यात्रा हुनेछ। परिश्रमअनुसार उपलब्धि राम्रै पाइनेछ। सांस्कृतिक क्षेत्रमा रुचि बढ्नेछ। सानो प्रयत्नले ठूलो काम सम्पादन हुनेछ। शिक्षामा प्रगति हुनुका साथै रोजगारीको अवसर मिल्नेछ।

• शुभ रंग: रातो
• शुभ अंक – ८

वृश्चिक : एउटै कामबाट दोहोरो लाभ मिल्नेछ। आतिथ्यपूर्ण सम्मान पाइएला। प्राविधिक काममा सफलता प्राप्त हुनेछ। भूमि, वाहन र पैतृक सम्पत्तिबाट लाभ मिल्ने योग छ। सद्‌विचारले अभिप्रेरित हुनेहरूलाई बढी लाभ मिल्नेछ।

• शुभ अंक – ६
• शुभ रंग : सेतो

धनु : समस्या समाधानका लागि चालिएको कदम निरर्थक हुन सक्छ। गरेका काममा ढिलासुस्ती हुनेछ। बोलीको विपरीत अर्थ लाग्न सक्छ। स्वास्थ्य मापदण्ड अपनाउनु पर्छ। साँझमा भने धनलाभ हुनसक्छ।

• शुभ रंग: निलो
• शुभ अंक – ७

मकर : नयाँ व्यक्तिसँग भेटघाट हुने समय छ। परीक्षा आदि प्रतिस्पर्धामा उत्तीर्ण हुन सकिनेछ। रमाइलो यात्राको योग रहेको छ। सेयर बजारमा लगानीको अवसर जुट्नेछ। प्रेमीले नयाँ स्थानको भ्रमण गर्ने प्रस्ताव राख्न सक्छन्।

• शुभ रंग: रातो
• शुभ अंक – ३

कुम्भ : रमणीय र सुखद यात्राको योग छ। अतिथिका रूपमा सम्मान पाइनेछ। मनोरञ्जक कार्यक्रममा सहभागी भइनेछ। आफ्नो क्षेत्रमा प्रभुत्व जमाउन सकिनेछ। वैदेशिक कार्य अघि बढ्नेछ। नयाँ सफलता मिल्न सक्छ।

• शुभ रंग: कालो
• शुभ अंक – ९

मीन : विश्वासपात्रले काममा साथ दिनेछन्। मन मिल्ने साथीको सहयोग र हौसला मिल्नेछ। व्यवसायको सन्दर्भमा रमाइलो यात्रा हुनेछ। सामाजिक र धार्मिक कार्यबाट सन्तोष मिल्नेछ। स्वास्थ्यमा सुधार आउला।

• शुभ रंग: निलो
• शुभ अंक – ४