भक्तपुर। राष्ट्रिय प्रजातन्त्र पार्टी (राप्रपा)को भक्तपुर जिल्ला कार्य समितिको अध्यक्षमा अर्जुन कार्की निर्वाचित भएका छन् ।

पार्टीको आज सम्पन्न नवौँ जिल्ला अधिवेशनले उनको अध्यक्षतामा २४ सदस्यीय नयाँ कार्यसमिति चयन गरेको हो ।

अध्यक्षमा निर्वाचित कार्कीले एक सय ९५ मत पाएको थियोभने उनका निकतम प्रतिद्वन्दी रामशरण लामिछानेले ९२ मत प्राप्त गरेका थिए ।

राप्रपाको पहिलो बैठकले पदाधिकारी तोक्ने र अन्य ६ जना सदस्य मनोनयन गरेर ३१ सदस्यीय जिल्ला कार्य समिति बनाउने निर्णय गरेको राप्रपाका सहमहामन्त्री रवीन्द्रप्रताप शाहले जानकारी दिए ।