पर्वत । पुर्जाखोला सिचाई आयोजना निर्माण भएपछि पर्वतको जलजला गाउँपालिका–७ बाँसबोटको फाट हराभरा भएको छ । जलजला म्याग्दीको सदरमुकाम बेनी बजारसँगै रहेको पर्वतको स्थानीय तह हो ।

गण्डकी प्रदेश सरकारको बजेटमा खानेपानी, जलस्रोत तथा सिचाई डिभिजन कार्यालय पर्वत मार्फत २ वर्षअघि शुरु भएको पुर्जाखोजा सिचाई आयोजनाले पूर्णता पाएसँगै खडेरीमा पनि बाँसबोटको फाँट हराभरा बनेको हो ।

बास्कोटका साथै फोक्सीङ, छहरा र एकपाटेका ३ सय घरधुरी कृषकको ६२० रोपनी जमिनमा सिचाई सुविधा पुगेको छ ।

रु। १ करोड ३३ लाख ६४ हजार ३४१ म ठेक्का सम्झौता गरेको तुलाचन कन्ट्रक्सनले जलजला गाउँपालिका–९ को सिमानामा रहेको पुर्जाखोलामा मुहान, मुहान देखि ३ हजार ८८० मिटर २०० एमएम क्षमताको पाइपलाईन, इन्टेक, वितरण च्याम्बर, ८ ठाउँमा पाइप क्रसिङ पुल लगायतका संरचना निर्माण गरेको छ । थप १ किलोमिटर नहर बनाउन बाँकी भएपनि कच्चि नहरबाट पानी चलाइएको छ ।

सिँचाइ सुविधा पुगेपछि ताजा तरकारी उत्पादन गरेर किसानले राम्रो आम्दानी लिन थालेको उहाँको भनाइ छ कतबारीमा गोलभेँडा, काँक्रा, घिरौला, करेला, काउली लगायतका ताजा तरकारी फलेको छ । असारको पहिलो हप्ता नै खेत रोपाइको तयारीमा कृषकहरू जुटेका छन् ।

खडेरीमा पनि सिँचाई गरेर ताजा तरकारी उत्पादन हुनथालेपछि कृषकको मुहारमा खुसी छाएको छ ।

सिँचाइको सुविधाले धाईरिङका किसानहरूको आम्दानीको स्रोत बढ्ने र अबको दुईचार वर्षभित्र जनजीवनमा धेरै परिवर्तन आउन थालेको छ ।