काठमाडौं । चर्चित गीत ‘सोचे झैं जिन्दगी रैनछ’ की गायिका मधु क्षेत्री रुँदै टिकटक लाइभमा आएकी छन् । गायिका क्षेत्रीले आफू र आफ्नी छोरीमाथि श्रीमान र उनको परिवारबाट हेला, हिंसा भएको लाइभमार्फत बताएकी छन् ।

पहिलो श्रीमानसँग सम्बन्धबिच्छेदपछि गत वर्ष मात्र मधुले अस्ट्रेलिया बस्ने सुरेश खड्कासँग विवाह गरेकी थिइन् । सुरेश पनि ‘डिभोर्सी’ नै हुन् । उनका दुई छोरा अस्ट्रेलियामा आमासँगै बस्छन् ।

अहिले आफु गर्भवती समेत रहेको मधुले खुलाएकी छन् ।

एक वर्षअघि सुरेशले मधुसँग अदालती विवाह गरेका थिए । विवाहपछि मधुले संगीत क्षेत्रबाट बिदा लिएको घोषणा गर्दे १८ वर्षिया छोरी रीनासहित अस्ट्रेलिया गएकी थिइन् ।

३६ वर्षीया मधुले आफू अस्ट्रेलिया पुगेको केही महिनापछि नै श्रीमानसँगको सम्बन्धमा दरार आएको बताएकी छन् । अहिले आफू लुकेर बस्नसमेत बाध्य भएको उनले बताएकी छन् ।

गर्भवती भएको अवस्थामा पनि सुरेशले मानसिक तनाव र यातना दिएको आरोप उनले लगाएकी छन् । साथै आफ्नी किशोरी छोरीको बेवास्ता गरेको, हेला गरेको आरोप पनि लगाएकी छन् ।

सुरेशले भने यसबारे हालसम्म केही बोलेका छैनन् ।