काठमाडौँ । हास्य कलाकार हरिवंश आचार्यले आफू सामान्य अवस्थामा रहेको बताएका छन्।

सोमबार सामाजिक सञ्जाल फेसबुकमा एक स्ट्याटस लेख्दै आचार्यले अहिले आफ्नो अवस्था सामान्य रहेको जानकारी दिएका हुन्।

‘शनिवार हिमगिरी प्रालि उद्योगको आतिथ्यमा मदन दाइ र म विराटनगर आएका थियौँ,’ उनले लेखेका छन्, ‘अचानक नाकबाट रगत बगेर होटेल नजिकै भएको सप्तकोसी अस्पताल पुगेँ र त्यहाँबाट विराट नर्सिङ होम इएनटी डिपार्टमेन्टमा उपचार हुँदैछ र म सामान्य अवस्थामा छु ।अस्पताल पुग्दा मेरो ब्लड प्रेसर सामान्यै थियो।’

उनले भनेका छन्- ‘धेरैलाई हाई ब्लड प्रेसरको कारण होकि भन्नेले चिन्तित तुल्याएछ । नाकभित्रको सानो नसा  फुटेको रहेछ र त्यसलाई टाल्ने काम भइसकेको छ  र अहिले सामान्य अवस्थामा स्वास्थ लाभ गरिरहेकोछु ।’