काठमाडौँ । नेपाली फिल्म क्षेत्रका अभिनेता राजेश हमाल झन्डै ८ वर्षपछि अभिनयमा फर्किने भएका छन् । निर्देशक दिवाकर भट्टराईको एक अनटाइटल्ड फिल्ममा हमाल अनुबन्धित भएका हुन् ।

आइतबार बेलुका निर्माता तथा निर्देशक भट्टराई र महानायक हमालबिच लिखित सहमति भएको हो । हमालले सामाजिक सञ्जालमा तस्बिर सेयर गर्दै आफू दिवाकरको फिल्ममा अनुबन्धित भएको जानकारी दिएका छन् । उनले लेखेका छन्,‘लामो अन्तरालपछि दिवाकर भट्टराईले निर्देशन गर्ने फिल्ममा काम गर्दैछु ।’

पछिल्लो पटक फिल्म ‘सकुन्तला’मा अभिनय गरेपश्चात् महानायक हमाल कुनै पनि फिल्ममा देखिएका थिएनन् । म्युजिक भिडियोमा भने देखिइरहेका थिए। एक्सन प्रधान रहने फिल्ममा हमालले झन्डै ८ वर्षपछि कमब्याक गर्ने भएका हुन् ।

आगामी भदौ महिनाबाट छायाङ्कनको तयारी गरिएको फिल्मको नाम केही दिनमा घोषणा गरिने निर्माण पक्षको भनाइ छ ।