बझाङ । बझाङमा पहिरोमा पुरिएर बेपत्ता भएका एकै परिवारका चार जना मृत फेला परेका छन् ।

आइतबार राति बुङ्गल नगरपालिका-१० को टुमेडामा पहिरोले पुरिएर बेपत्ता भएका ४ जनाकाे शव फेला परेकाे प्रहरीले जानकारी दिएकाे हाे ।

राति १० जना सुतिरहेकाे अवस्थामा स्थानीय वीर बहादुर धामीको घर एक्कासी पहिराे गएर पुरिएपछि ४ जना बेपत्ता भएका थिए । अन्य ६ जनाले भने भागेर ज्यान जोगाएका थिए । उनीहरुकाे उपचारपश्चात अवस्था सामान्य रहेकाे प्रहरीले जनाएकाे छ ।