काठमाडौं । आज साँझ मन्त्रिपरिषद्को बैठक बस्न लागेकाे छ । साँझ ५:१५ मा सिंहदरबारमा बैठक बस्ने प्रधानमन्त्री कार्यालय स्राेतले जानकारी दिएकाे छ । बैठकमा नियमित कार्यसूचि बाहेक दल विभाजन सम्बन्धि अध्यादेशसमेत एजेण्डा रहनसक्ने उच्चस्राेतले जानकारी दिएकाे छ ।

हिँजाेसाँझ प्रधानमन्त्री निवास बालुवाटारमा प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबिच बैठक बसेकाे थियाे । बैठकमा दल विभाजनसम्बन्धि अध्यादेश ल्याउनेबारेमा सहमति भएकाे बताइन्छ । स्राेतका अनुसार रास्वपा सभापति रवि लामिछाने पक्राउपछिकाे अवस्थाबारे समेत दुई नेताबिच गम्भीर छलफल भएकाे थियाे ।

पक्राउपछि लामिछानेको पक्षमा खासै माहाेल नतातेकाे दुई नेताले निश्कर्ष निकालेका थिए । दुई नेताबीच रास्वपाको आन्दोलनको अवस्था हेरेर अध्यादेश ल्याउने समझदारी भएकाे बुझिएकाे छ । आन्दोलन उग्ररुप लिने अवस्थामा अध्यादेश केही दिनपछि सार्ने अन्यथा आजको मन्त्रिपरिषद् बैठकमा साे अध्यादेश पारित गर्नेगरी गृहकार्य अघि बढेकाे बुझिएको छ ।

कांग्रेस र एमाले गिभ एण्ड टेक : रवि पक्राउपछि दल विभाजन अध्यादेशकाे तयारी