काठमाडौं । कोसी प्रदेशका पूर्वमन्त्री आन्तरिक मामिला तथा कानुनमन्त्री लिलावल्लभ अधिकारी पक्राउ परेका छन् । प्रहरीले अधिकारीलाई विराटनगरस्थित उनकाे निवासबाटै पक्राउ गरेको हाे ।

उनलाई पक्राउ गरेर काठमाडौं ल्याउन लागिएको बुझिएको छ ।

अधिकारीमाथि जापान भ्रमणका क्रममा मानव तस्करी गरेको आरोप लागेको थियो । उक्त आरोपलगत्तै उनले मन्त्री र पार्टी संसदीय दलको नेताबाट राजीनामा समेत दिइसकेका छन्।

अधिकारीलाई एमालेले पार्टीको सबै जिम्मेवारीबाट निलम्बन समेत गरिसकेको छ।