काठमाडौं। बलिउड स्टार शाहरुख खानले सन् १९९३ मा रिलिज फिल्म ‘बाजीगर’बाट स्टारडम पाएका थिए । तर, यो फिल्ममा अजय वर्माको नेगेटिभ भूमिका निभाउन निर्देशक अब्बास–मस्तानको पहिलो रोजाइमा शाहरुख खान थिएनन् भन्ने कुरा कमैलाई थाहा छ । त्यसअघि यो फिल्म अर्का स्टार सलमान खानलाई अफर गरिएको थियो ।

फिल्ममा श्रीदेवी पनि मुख्य भूमिकामा देखिने भनिएपनि उनको जिद्दीका कारण उनी फिल्मको हिस्सा बन्न सकिनन् ।

यस फिल्मको रोचक कास्टिङ कथा चलचित्र बाजीगरका निर्देशक अब्बास मस्तानले अन्तर्वार्तासँग खुलाए ।

उनले भने, ‘हामीले शाहरुखमा प्रतिभा देख्यौं। त्यतिबेला मानिसहरूले हामीलाई यो फिल्म नबनाउन भनेका थिए। तर हामीले यो फिल्म जसरी नि बनाउने निर्णय गर्यौं। बाजीगरमा अनिल कपूरलाई लिऔँ। अनिल त्यतिबेला ठूला स्टार थिए। अनिल कपूरकहाँ गयौं, फिल्मको कथा पनि सुनायौं। त्यतिबेला महालक्ष्मीको स्टुडियोमा ‘रूप की रानी चोरों का राजा’ को सुटिङ चलिरहेको थियो।’

कथा सुनेपछि अनिलले भने, ‘तपाईको विषय राम्रो छ, तर यो कथा मेरो लागि उपयुक्त छैन। म यसलाई उचित ठहराउन सक्दिन। तपाईं अरु कसैलाई लिएर बनाउनुहोस्।’ उनले भने अनिलपछि हामी सलमान खानसँग गयौं । उनका बुबा सलीम खानले पनि सँगै बसेर कथा सुने । त्यतिबेला उनी राजश्री प्रोडक्सनको पारिवारिक उन्मुख फिल्म गर्दै थिए । कथा सुनेपछि सलमानले भने, ‘तपाईको फिल्म सफल हुन्छ तर म यो फिल्म गर्न सक्दिनँ । अहिले पारिवारिक फिल्म गर्दैछु ।’

जब सलमानले पनि फिल्म अस्वीकार गरे तब निर्देशक अब्बास मस्तानले शाहरुख खानको बारेमा सोचेका थिए। यी दुवैले शाहरुखका केही अघिल्लो फिल्म हेरेका थिए।

जब उनी शाहरुखकहाँ पुगे, उनी कथा सुन्न भुइँमा बसे र एकै पटक पूरा कथा सुने। कथा सुन्नेबित्तिकै उनले भने, म यो फिल्म गर्छु। यो एकदम चुनौतीपूर्ण हुनेछ।’

अब्बास–मस्तानले अन्तर्वार्तामा भनेका छन् शाहरुख फिल्मका लागि यति उत्साहित थिए कि त्यही क्षणमा उनले कुन दृश्यमा कस्तो अभिनय गर्ने भन्ने निर्णय गर्न थाले । वर्कशपमा शाहरुखले हरेक दृश्य विभिन्न तरिकाले देखाएका थिए ।

कुराकानीका क्रममा अब्बास मस्तानले अभिनेत्रीको कास्टिङको बारेमा एउटा रमाइलो घटना पनि सेयर गरेका छन्। उनले फिल्ममा पहिलो पटक काजोल मात्र १७ वर्षकी थिइन्। त्यसपछि उनी अर्की अभिनेत्रीका लागि श्रीदेवीकहाँ गए। कथा सुनेपछि श्रीदेवीले आफुलाई दोहोरो भूमिका निभाउन चाहेको बताइन्।

उनले भने, ‘फिल्ममा शाहरुख खान पहिल्यै दुई किसिमको क्यारेक्टर खेल्दै आएका छन्, यस्तो अवस्थामा हिरोइनको पनि दोहोरो भूमिका भएको भए दर्शकलाई सबै दोहोरो लाग्छ। हामीले श्रीदेवीलाई सीमाको भूमिका दिनुपर्छ भन्ने सोचेका थियौं, तर हामीले सोचे कि यदि हामीले फिल्मको पहिलो हाफमा श्रीदेवी जस्तो सुपरस्टारलाई मरेको देख्यौं भने दर्शकले फिल्म अस्वीकार गर्न सक्छन्। यही सोचका साथ पछि यो भूमिका शिल्पा शेट्टीलाई दिइयो।’