काठमाडौं। भोजपुरी अभिनेत्री अक्षरा सिंहलाई ज्यानमार्ने धम्की आएको छ ।

एक अज्ञात व्यक्तीले फोन गरेर ५० लाख मागेको र नदिएमा मार्ने धम्की दिएको अभिनेत्रीले बताएकी छन् ।

अभिनेत्रीका अनुसार नोभेम्बर ११ मा अबेर राती एक अपरिचित नम्बरबाट उनलाई कल आएको थियो । दुई पटक कल गरेर आफुलाई धम्की दिएको उनले बताइन् ।

यस विषयमा अक्षराको तर्फबाट पटनाको दानापुर प्रहरी चौकीमा उजुरी परेको छ । अनुसन्धान पुष्टि भएपछि एफआइआर दर्ता गरिने प्रहरीले बताएको छ ।

यसअघि बलिउड अभिनेता सलमान खान र शाहरुख खानलाई पनि ज्यान मार्ने धम्की आएकाे थियाे । धम्की आएयता सलमानको सुरक्षा बढाइएको छ ।