काठमाडौं । रुकुम पूर्वको पुथा उत्तरगंगा गाउँपालिकाको उपाध्यक्षका लागि भएको उपनिर्वाचनमा माओवादी केन्द्रले दोब्बर मतले अग्रता लिएको छ ।

निर्वाचन आयोगका अनुसार माओवादी केन्द्रकी नरपुरा बुढाले ३१६१ मत ल्याउँदा कांग्रेस–एमाले गठबन्धनकी केशकुमारी तुलाचनले १५५४ मत मात्रै ल्याएकी छन् ।

माओवादीकी बुढा कांग्रेस-एमाले गठबन्धनकी तुलाचनभन्दा १६०० मतले अगाडि छिन् ।

कांग्रेस उम्मेदवार तुलाचन एमालेको महिला संगठनकी केन्द्रीय सदस्य हुन् । एमाले र कांग्रेसबीच गठबन्धन भएपछि एमालेकी नेता तुलाचन कांग्र‍ेसको चुनाव चिह्न लिएर उम्मेदवार बनेकी हुन् ।