काठमाडौं । नक्कली शरणार्थी प्रकरणमा मुछिएका बेचन झालाई उच्च अदालत पाटनले थुनामै पठाउन आदेश गरेको छ ।

जिल्ला अदालत काठमाडौंले आफूलाई गैरकानूनी रुपमा थुनामा पठाएको भन्दै झाले उच्च अदालत पाटनमा निवेदन दिएका थिए । निवेदनमाथिको सुनुवाइपछि उच्च अदालतले जिल्ला अदालतको आदेश नै सदर गरेको हो ।

साेमबार न्यायाधीशहरू अञ्जु उप्रेती ढकाल र कैलाशप्रसाद सुवेदीको इजलासले झाका साथै प्रतिक थापालाई पनि थुनामा राख्ने काठमाडौं जिल्ला अदालतको आदेशलाई सदर गरेको हो ।

२०८१ भदौ २ गते जिल्ला अदालत काठमाडौँले उनीहरुलाई थुनामा पठाउन आदेश दिएकाे थियाे ।