मकवानपुर। नेपाल कम्युनिष्ट पार्टी (एमाले) हेटौँडा उपमहानगरको अध्यक्षमा बोलबहादुर कार्की निर्वाचित भएका छन् ।

एमाले हेटौँडा उपमहानगरपालिकाको दोस्रो अधिवेशनले कार्कीको अध्यक्षतामा ८१ सदस्यीय कमिटी निर्वाचित गरेको हो ।

सोमबार भएको निर्वाचनमा कार्कीले एक सय ७६ मत प्राप्त गर्दै अध्यक्ष पदमा निर्वाचित भएका हुन् । उनका निकटतम् प्रतिद्वन्द्वी जनरल श्रेष्ठले एक सय ३३ मत प्राप्त गरे ।

त्यसैगरी उपाध्यक्षमा राजकुमार बाँस्तोला, सचिवमा शान्ता गौतम, उपसचिव खुल्लामा शान्तेकुमार तामाङ र उपसचिव महिलामा चन्द्रावती पनेरु निर्वाचित भएका छन् ।