काठमाडौं । बाल अधिकार अभियन्ता ऋतु भट्ट राई “बाल हिंसा विरुद्ध क्रियासिल राष्ट्रिय कार्य समन्वय समूह”को अध्यक्ष पदमा निर्वाचित भएकी छन् ।

बाल हिंसा विरुद्ध क्रियासिल राष्ट्रिय कार्य समन्वय समूहको राजधानीमा आयोजित १२ औं वार्षिक साधारणसभा तथा छैठौं अधिवेसनबाट उनी अध्यक्ष पदका लागि र सह अध्यक्ष नरेन्द्र डंगोल निर्वाचित भएका हुन् ।

बाल अधिकारकर्मी ऋतु भट्ट राईले विशेष गरी बालबालिकाको हितका विविध कार्यक्रमसहित बाल श्रम निवारणका लागि पैरवी गर्दै आएकी छन् ।

बाल अधिकार र बाल संरक्षणको क्षेत्रमा क्रियाशील १६ वटा राष्ट्रिय सञ्जालहरुको साझा मञ्च तथा समन्वय समुह राष्ट्रिय कार्य समन्वय समुहको यस अघि किरण थापा अध्यक्ष थिए ।

समुहले विकास साझेदार सङ् संस्थाको समेत सहयोगमा नेपाली बालबालिकाको हक अधिकारका लागि काम गर्दै आएको छ ।