काठमाडौं । पोखराको सूर्यदर्शन सहकारी ठगी प्रकरणमा प्रतिवादीतर्फका अधिवक्ताहरूको बहस सकिएको छ ।

राष्ट्रिय स्वतन्त्र पार्टीका सभापति तथा पूर्वगृहन्त्री रवि लामिछाने, नेपाल प्रहरीका पूर्वडीआईजी छविलाल जोशीलगायत प्रतिवादीहरूतर्फका अधिवक्ताहरुको बहस बुधबार सकिएको हो । आज प्रतिवादीका तर्फबाटरामबहादुर खनाल, बिष्णु मरासिनी र उज्ज्वल शंकर सापकोटाले बहस गरेका थिए ।

आजबाटै जाहेरकर्ताका तर्फबाट जवाफी बहस सुरु भएको र बिहीबारसम्म सरकारी वकिल कार्यालयको तर्फबाट बहस हुने बताइएको छ ।

जवाफी बहस सकिएपछि आदेश आउने छ ।