विराटनगर । मोरङको धनपालथानस्थित उमागौरी सहकारी संस्थाको रकम अपचलन तथा मुद्दामा आरोपित सार्वजनिक लेखा समिति सभापति ऋषिकेश पोखरेलकी श्रीमती अञ्जला कोइराला १० लाख रुपैयाँ धरौटी बुझाएर थुनामुक्त भएकी छन् ।

बुधबार जिल्ला अदालत मोरङले अञ्जलालाई धरौटीमा छाड्न आदेश दिएसँगै बुझाएर रिहा भएकी हुन् ।

गत मंसिर २७ गते सहकारीको २२ करोड ४८ लाख २७ हजार ७ सय रूपैयाँ हिनामिना प्रकरणमा दोषी करार गर्दै जिल्ला सरकारी वकिलको कार्यालय मोरङले मुद्दा दायर गरेपछि फरार रहेकी अञ्जला बुधबार अदालतमा उपस्थित भएकी थिइन् ।