काठमाडौं । राष्ट्रिय स्वतन्त्र पार्टी (रास्वपा)का सभापति एवं पूर्वगृहमन्त्री रवि लामिछाने शुक्रबार (आज) काठमाडौं जिल्ला अदालतमा हाजिर नहुने भएका छन् ।

लामिछानेलाई कास्की जिल्ला अदालतले बिहीबार धरौटीमा छाड्ने आदेश गरेको थियो । अदालतका न्यायाधीश नीतिज कुमार राईले मागेको ६५ लाख धरौटी बुझाएर उनी बिहीबारनै रिहा भएका थिए ।

लामिछाने विरुद्ध काठमाडौं जिल्ला अदालतमा स्वर्णलक्ष्मी बचत तथा ऋण सहकारीको रकम अपचलन गरेको आरोपमा पनि मुद्दा दर्ता भएको छ । सोही कारण उनी शुक्रबार अदालत हाजिर हुने तयारी थियो ।

तर बिहीबार साँझ रिहा भएका लामिछाने अहिलेसम्म काठमाडौं फर्केका छैनन् । उनी आज दिउँसो काठमाडौं आइपुग्ने बुझिएको छ ।

लामिछाने अब आइतबार मात्र काठमाडौं अदालतमा हाजिर हुने उनी निकट स्रोतले जनाएको छ ।