काठमाडौँ। जय ट्रफी एलिट कपको फाइनलमा नेपाल पुलिस क्लब र त्रिभुवन आर्मीबीच खेल जारी छ ।

पहिले ब्याटिङ गरेको पुलिसले पहिलो दिनको खेल समाप्त हुँदा २ विकेट क्षतिमा ८५ रन बनाएको छ ।

वर्षाका कारण आजको खेल दिउँसो मात्र सुरु भएको थियो । आर्मीले टस जितेर पहिले फिल्डिङ रोज्यो ।

पुलिसका लागि ओपनर कुशल भुर्तेलले अर्धसतक बनाएका छन् ।

भुर्तेलले ५१ बलमा अर्धसतक पूरा गरेका हुन् । उनले ६ चौका प्रहार गरिसकेका छन् । प्रतियोगितामा कुशलको यो दोस्रो अर्धसतक हो ।

मंगलबारको खेलमा आर्मीका लागि सोमपाल कामी र साहब आलमले एक-एक विकेट लिएका छन् ।

जय ट्रफीको फाइनल तीन दिवसीय हुनेछ । पहिलो दिन वर्षाका कारण १७ ओभरको खेल मात्रै सम्भव भएको थियो ।