काठमाडौं । बलिउड अभिनेत्री सारा अली खानका प्रेमी भनिएका अर्जुन बाजवाले पहिलो पटक अभिनेत्रीसँगको आफ्नो सम्बन्धलाई लिएर मौनता तोडेका छन् ।

हालै एक अन्तर्वार्तामा अर्जुनले आफुहरुकाबारेमा जे लेखेपनि फरक नपर्ने बताए । ‘मानिसहरूले जे लेख्न चाहन्छन्, लेख्छन् । यो उनीहरूको काम हो। उनीहरुले आफ्नो काम गरिरहेका छन् । म आफूले के गर्नुपर्छ भन्ने कुरामा मात्र ध्यान दिन्छु। साँच्चै उनीहरुले लेखेर मलाई मलाइ फरक पर्दैन,’ उनले भने ।

साराले अर्जुनसँगको आफ्नो सम्बन्धको बारे अहिलेसम्म केहि बोलेकी छैनन् । न त उनले अफवाह पुष्टि गरिन् न त खण्डन।

सारा र अर्जुनसँगै केदारनाथ दर्शनमा गएपछि उनीहरुको डेटिङको खबर बाहिर आएको थियो।

अर्जुन प्रताप बाजवा राजनीतिज्ञ फतेहजंग सिंह बाजवाका छोरा हुन्, जो हाल पञ्जाबमा भारतीय जनता पार्टीका उपाध्यक्ष छन्। अभिनेता, मोडल र गायक हुनुका साथै उनी राजनीतिज्ञ पनि हुन् । उनले फिल्म उद्योगका धेरै ठूला फेसन डिजाइनरको शोमा र्‍याम्प वाक गरेकी छिन् ।

यसबाहेक उनले अक्षय कुमारको फिल्म ‘सिंह इज ब्लिङ’मा सहायकको रुपमा काम गरिसकेका छन् । भर्खरै उनको पहिलो फिल्म ब्यान्ड अफ महाराजा ओस्कारका लागि मनोनयनमा परेको छ ।