काठमाडौं । अभिनेता आर माधवनले आमिर खान पर्स बिनै यात्रा गर्ने गरेको खुलासा गरेका छन् । आमिरको यस लापरवाही का कारण उनको भुक्तानी साथीहरूले गरिदिने गरेको अभिनेता माधवनले बताए ।

आमिर र आर माधवनले ‘रंग दे बसन्ती’ र ‘३ इडियट्स‘ जस्ता फिल्ममा सँगै काम गरिसकेका छन् ।

युट्युब च्यानल जस्ट टू फिल्मीसँगको कुराकानीमा आर माधवनलाई सोधिएको थियो कि उनी आफूसँग वालेट राख्छन् वा राख्दैन्न ? जवाफमा उनले आफुले सँधै बोक्ने गरेको तर आमिर बिना पर्स यात्रा गरेको बताए । ”म त्यस्तो चरम कहिल्यै होइन। आमिर बिना पर्स यात्रा गर्छन्, उनको स्टारडमले पनि उनलाई त्यसो गर्न अनुमति दिन्छ। उनका लागि तिर्न चाहने मानिसहरू छन्,” माधवनले भने ।

आर माधवनको वर्कफ्रन्टको कुरा गर्दा उनी हालै रिलिज भएको फिल्म ‘हिसाब बराबर ‘मा देखिएका छन् । अश्विनी धीरको निर्देशनमा बनेको यस थ्रिलर फिल्ममा कीर्ति कुल्हारी, नील नितिन मुकेश, रश्मी देसाई र फैजल रसिदको पनि महत्वपूर्ण भूमिका छ ।