काठमाडौं। भारतीय कमेडियन कृष्णा अभिषेकले कपडा र जुत्ता राख्नको लागि छुट्टै फ्ल्याट किनेको खुलासा गरेका छन् ।

हालै अभिनेत्री अर्चना पूरन सिंहको भ्लगमा कुरा गर्दै कृष्णाले यसबारे खुलासा गरेका हुन् ।

अर्चनाले कृष्णाका लागि घरमा लन्च होस्ट आयोजना गरेकी थिइन् । यसैक्रममा कुरा गर्दै जाँदा उनले कृष्णसँग जुत्ता र लुगाको संग्रह रहेको बताइन् ।

अर्चनाको यो कुरा कृष्णले हाँस्दै स्वीकारे । उनले भने ‘मैले घर किनेको छु, बुटिकमा परिणत गरेको छु । म हरेक ६ महिनामा मेरो जुत्ता र कपडाको संग्रह अपडेट गरिरहन्छु। त्यहाँ म पनि बस्दैनन् ।’