काठमाडौं । जनवरी १६ मा अभिनेता सैफ अली खानमाथि आक्रमण भएपछि प्रहरीले आकाश कनोजियालाई ​​शंकास्पद मान्दै पक्राउ गरेको थियो ।

कनोजियाको गिरफ्तारी लगत्तै शरीफुललाई मुम्बईबाट पक्राउ गरी अपराध स्वीकार गरेपछि आकाश रिहा भएका थिए ।

यसैबीच आकाशको बयान बाहिर आएको छ जसमा उनले गिरफ्तारीले आफ्नो जीवन बर्बाद भएको बताएका छन् । पक्राउपछि आफुले जागिर गुमाएको र विवाह समेत टुटेको उनको गुनासो छ।

हालै पीटीआईलाई दिएको अन्तर्वार्तामा ३१ वर्षीय आकाशले भने, ‘’मिडियाले मेरो तस्बिर देखाउन थालेपछि मेरो परिवार स्तब्ध भयो । म यस मामिलामा संदिग्ध हुँ भनी दाबी गरियो। मुम्बई पुलिसको गल्तीले मेरो जीवन बर्बाद भयो। मेरो जुँगा थियो र सैफको भवनको सीसीटीभीमा देखिएका व्यक्तिको जुँगा थिएन, प्रहरीले यो सम्म थाहा पाउन सकेन।”

उनले थप भने, ‘’मलाई प्रहरीको फोन आयो, उनीहरुले कहाँ छौ भनेर सोधे । म घरमा छु भन्ने बित्तिकै कल काटियो। म मेरी भावी दुलहीलाई भेट्न जाँदै थिएँ, तर मलाई दुर्गबाट ​​पक्राउ गरी रायपुर लगियो। त्यसपछि मुम्बई पुलिस त्यहाँ पुग्यो र मलाई शोषण गर्यो।”

कुराकानीमा आकाशले पक्राउपछि आफ्नो जीवन बर्बाद भएको बताए । उनले भने, ‘मैले मेरो हाकिमलाई फोन गर्दा उनले काममा नआउन भने । उनले मेरो व्याख्या पनि सुनेनन् । मैले विवाहको कुरा गरिरहेको केटीले पनि कुरा अघि बढाउन अस्वीकार गरिन् ।’

अब आफु अभिनेता सैफ अलीको भवन बाहिर उभिएर जागिर माग्ने उनले बताए । आकाशले भने, ‘मैले सैफ अली खानको भवन बाहिर उभिएर जागिर माग्ने निर्णय गरेको छु । उनले गर्दा मैले सबै गुमाएँ।’

कुराकानीका क्रममा आकाशले शरीफुललाई पक्राउ गरेपछि आफु बचेको बताए । नत्र आफुलाई नै प्रहरीले मुख्य अभियुक्तको रुपमा पेश गर्ने उनले भनाइ छ ।