काठमाडौं । ओखलढुङ्गामा जीप दुर्घटना हुँदा तीन जनाको मृत्यु भएको छ ।

खोटाङको दिक्तेलबाट बिरामी बोकेर काठमाडौं आउँदै गरेको ना १ ज ६४२१ नम्बरको जीप ओखलढुङ्गाको मानेभञ्ज्याङ गाउँपालिका-७ मा दुर्घटना भएको हो ।

प्रहरीकाअनुसार ज्यान गुमाउनेमा खोटाङको केपिलागढी गाउँपालिका–३ का ५६ वर्षीया मायादेवी गुरुङ, उनको छोरा २८ वर्षीय पुजन गुरुङ र बहिनी दिक्तेल रुपाकोट मझुवागढी नगरपालिका–१२ की ४५ वर्षीया तारा गुरुङ रहेका छन् ।

दुर्घटनाबारे आवश्यक अनुसन्धान भइरहेको प्रहरीले जनाएको छ ।