काठमाडौँ । नेकपा एमालेका नेता गोकुल बास्कोटाले पूर्वराजा ज्ञानेन्द्र शाहलाई जबरजस्त स्थापित गर्न खोजिएका ओभररेटेट पात्रको संज्ञा दिएका छन्।

प्रजातन्त्र दिवसको पूर्वसन्ध्यामा शुभकामना सन्देश दिँदै शाहले राष्ट्रहितका लागि आफूले गरेको त्यागलाई कमजोरी नठान्न चेतावनी दिएपछि नेता बास्कोटाले यस्तो टिप्पणी गरेका हुन्।

‘आज सबै डेमोक्र्याट भएको देखियो, शहीदलाई सलाम। झन् गज्जब यो लाग्यो कि पुर्वराजा पनि डेमोक्रेसी स्थापनामा आफूले गरेको त्याग र योगदान सम्झेर नोस्टाल्जिक होइबक्सेछ’, उनले भनेका छन्, ‘समस्या डेमोक्रेसी होइन, बरु जबरजस्त स्थापित गर्न खोजिएका ओभररेटेट पात्र हुन। बुट पोलिसले बुट टल्काउन सक्छ, छालाको गुण बदल्दैन।’