काठमाडौं । आज (मंगलबार) को प्रतिनिधसभा बैठकमा प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डले सम्बोधन गर्दैछन् ।

सोमबार बसेको प्रतिनिधि सभा कार्यव्यवस्था परामर्श समितिको बैठकमा प्रचण्डले संसदलाई सम्बोधन गर्ने कार्यसुची तय गरिएको थियो ।

संसद बैठक आज दिउँसो १ बजेका लागि बोलाइएको छ ।

प्रचण्डले सम्बोधन गर्नेदिन प्रधानमन्त्री केपी शर्मा ओली भने प्रतिनिधि सभामा अनुपस्थित रहने भएका छन् । ओली आजै कोशी प्रदेश सभामा सम्बोधन गर्न विराटनगर जाने भएपछि अनुपस्थित हुने भएका हुन् ।

यसअघि गत माघ २४ गते प्रमुख प्रतिपक्षी दलका नेता प्रचण्डले प्रतिनिधि सभामा सम्बोधन गर्दा पनि प्रधानमन्त्री ओली अनुपस्थित थिए । प्रधानमन्त्रीलाई संसदमा नदेखेपछि सम्बाेधनकै क्रममा प्रचण्डले गुनासो गरेका थिए ।