काठमाडौं। बलिउड अभिनेता सुशान्त सिंह राजपूत मृत्यु घटनासम्बन्धी सीबीआईले अन्तिम क्लोजर रिपोर्ट दायर गरेको छ।

४ वर्ष ६ महिना १५ दिनपछि सीबीआईले अन्तिम क्लोजर रिपोर्ट दायर गरेको छ। जसमा अनुसन्धान एजेन्सीले सुशान्तलाई आत्महत्या गर्न उक्साएको कुनै प्रमाण नभेटिएको बताएको छ।

अन्तिम रिपोर्टमा सीबीआईले सुशान्तको मृत्युको वास्तविक कारण आत्महत्या नै भएको उल्लेख गरेको छ।

यस घटनामा षड्यन्त्रको कुनै संकेत नभएको र सुशान्तको सामाजिक सञ्जाल च्याटहरूमा पनि कुनै छेडछाड नभएको सिबिआईको निष्कर्ष छ।

अभिनेता सुशान्त सिंह राजपूत जुन १४, २०२० मा बान्द्रास्थित आफ्नै घरमा रहस्यमय रूपमा मृत फेला परेका थिए। मिडिया र विपक्षी दलहरूको दबाबका कारण यस मुद्दाको अनुसन्धान सीबीआईलाई सुम्पिएको थियो।

यस मुद्दामा रिया चक्रवर्ती २७ दिन जेलमा बस्नुपरेको थियो।