काठमाडौँ । आइसिसी क्रिकेट विश्वकप लिग-२ अन्तर्गतको सिरिजमा स्कटल्यान्डले नेपालसामु २९७ रनको लक्ष्य प्रस्तुत गरेको छ ।

नेपालविरुद्ध घरेलु मैदानमा टस हारेर पहिला ब्याटिङ गरेको स्कटल्यान्डले निर्धारित ५० ओभरमा ७ विकेट गुमाएर २९६ रन बनायो ।

स्कटल्यान्डका चार्ली टियरले सर्वाधिक ८० रन बनाए । उनले ७२ बलमा १२ चौका र एक छक्का प्रहार गरे । फिनले म्याकक्रियाथले ५५, रिची बेरिंटनले ४० र म्याथ्यू क्रसले ३९ रनको योगदान दिए ।

बलिङमा नेपालका रिजन ढकाल, करण केसी र सोमपाल कामीले समान २–२ र सन्दीप लामिछानेले एक विकेट लिए ।

स्कटल्यान्ड, नेपाल र नेदरल्यान्ड्सबीचको सिरिजअन्तर्गत नेपालले दोस्रो खेल बुधबार नेदरल्यान्ड्ससँग खेल्नेछ ।